信仰、愛情、暈船浪 -- 任你揀！ （2013年12月2日與伍德賢餐聚） 鄭 徽  各位不要被德賢的主教身份唬住，起碼一向口沒遮攔的李老闆，就堅持要與德賢同坐，希望心靈得到洗滌云云。想不到二人原來整晚雞啄唔斷，一唱一和，害得整桌人笑破肚皮。到底大主教是在老友面前完全放下身段，還是這是德賢一向與人相處之道？Heidi有答案，德賢是她見過最沒架子、最不會板起臉教訓人的傳道人。我暗自還是願意相信，在老同學面前，大家總會有絕對真情流露的一刻。 既然主角與宗教有關，話題很容易就由宗教信仰開始，誰知竟引出Heidi的童年往事、李老闆的新婚感受、和德賢的一段戀愛史來。 話說Heidi少時是乖乖女一名，每星期天都隨虔誠的外婆（還是嫲嫲？）上「某教堂」崇拜，還擔任司琴。但原來自少對此只是聽從，心中充滿不安和恐懼，何解？覓得夫婿之後，當然要雙雙上教堂 （無錯！李老闆上教堂！）, 原來...... 「哇！早知如此，我就唔會娶佢！」 「唔係嘛？」 「嗰d人癲架！ 做禮拜尖聲呼叫，好似滾地葫蘆咁，典床典蓆！嚇死人咩!」 眾人對Heidi的童年恐懼恍然大悟，李老闆的憶述還沒完，德賢竟馬上和應！「係呀！唉.....我唔想講人地教會壞話，但呢一間真係好得人驚。」於是勾起了德賢一段令人隱隱心酸的戀愛往事。 原來德賢當年與仙韻是音統處排排坐的同事，德賢與當時女友感情穩定，訂婚戒指也送了（落曬訂！），作為同事的仙韻也覺得這是必成的一對。準伍太屬於此「某教會」，當然希望未婚夫能加入同一教會，二人自是一起去崇拜，德賢參加崇拜之後..... 「我從來未試過咁驚! 有個教友坐無幾遠，口中大聲嘟、嘟、嘟、嘟----嘟、嘟、嘟、嘟----嘟、嘟、嘟...咁聲，好似發摩爾斯電報咁! 」說時繪聲繪影，眾人哄堂大笑！「坐後面嗰個仲恐怖！唉…佢係我女友嘅前度，難怪嘅….佢直情幾乎叭喺我背脊上，uet---- 、uet----- 聲係咁作嘔吐狀，好難頂啊！」眾人已笑彎了腰！ 話鋒一轉，德賢頗有感觸的嘆道，當時已感受到主耶穌對他的呼喚，有志成為牧師，可惜經過長時間的努力，彼此都不能接受對方的信仰選擇，雙方覺得無法兩全。終於有一天，內有訂婚戒指的一封信寄到桌前，啟函一刻，仙韻正好在旁，德賢自我解嘲拿著戒指對仙韻苦笑道：「嗱！要唔要？賣比你！」「好！我要！」 有人馬上說，德賢是否別有用意呀？「當時我見佢咁嘅樣，覺得最起碼能做到的，就係馬上買咗隻戒指！等佢唔好咁傷心啦！三千蚊成交！」這枚戒指至今依然在仙韻處，曾經的準伍太至今依然單身，話音至此，德賢雙手交叉捂胸，頷首無語，心中對伊人依然似有懸念。 依我看，這個那些年的故事，令人動容之處有三；兩人對各自的信仰是如此的完全承擔，以致願意為之放棄本可終身相依的另一半，然後矢志不移對自己的信仰守護一生，此其一; 德賢最痛的一刻，老同學二話沒說，馬上為之解愁，此其二; 這好幾十年之後，我們能圍坐一桌，暢談那些年的往事，是苦是甜，都為之開懷大笑，此其三也！ 席間虎社長不忘發出指令，約定一月十三日召開第一次籌備明年甚麼禧大日子的會議。話題很快就進入有關的慶祝活動，有人提議坐遊輪，李老闆伉儷馬上臉色大變，Heidi在早前蟹宴上的洗衣機故事，由李老闆再一次唸做俱佳即場演繹。據說，當年李家上下習慣闔府出遊，正是大家族的風範，李老闆新婚，老人家特意送贈基隆到花蓮遊輪假期，讓一對新人二人世界度蜜月，李老闆自是喜不勝收，基隆港口與家人匆匆話別，喜孜孜與Heidi拖手仔上船做新婚夫婦應做的事，誰知船一起航..... 「嘩！ 我兩公婆凈係攬住個屎坑係咁嘔（此時加上動作），檯面個樽水sir去左又sir去右（此時又加上動作），都捉唔住！隻船成架洗衣機咁，long 黎long去，個人喺張床上自動碌黎碌去....」 「咁咪好籮！一齊碌黎碌去做人吖嘛！」 「鬼咩!大家向相反方向碌呀！」 「不過Heidi好似話佢未上船已經作嘔作悶啦噃！」 skip, 唔答。但尚有下文.... 「後來好辛苦捱到花蓮，嗰d山地姑娘跳舞表演，喺面前郁黎郁去，又上又落，真係差d由頭嘔過！」 各人已笑得東歪西倒！ 「後來過咗一排，阿乜乜會長請我到伊莉莎伯大廈食早餐，（so?） 呀唔係，係海運大廈嘅伊莉莎伯大廈（吓??）, 呀... 係停喺海運大廈嘅伊莉莎伯遊輪食早餐（真係暈船暈到short咗！）,好正吖！點知食完上岸，我又嘔返曬d早餐出黎！但係隻船都無郁過!!」 各人已笑得淚眼漣漣！但是，坐遊輪節目唯有 - out! 不如去海南島？ 「都好呀！可以坐火車去！」李老闆，當年蛇辛講書，你一定係瞓著咗。「唔係呃！ 嗰D可以開上渡輪既火車呢？」 各同學欲知後事如何，請踴躍參與籌備工作，二0一四年一月十三日於李府下回分解。 出席同學：陳佩明、周美亮、鍾希潔、馮國華、李振強、林仙韻、伍德賢、田榮先、鄭徽、余盛彪 |
|
|